föstudagur, desember 24, 2004 Kertasníkir Þrettándi var Kertasníkir, - þá var tíðin köld, ef ekki kom hann síðastur á aðfangadagskvöld. Hann elti litlu börnin sem brostu, glöð og fín, og trítluðu um bæinn með tólgarkertin sín. Jóhannes úr Kötlum Gleðileg jól! Elísabet og Nonni posted by Nonni & Beta 17:51

fimmtudagur, desember 23, 2004 Ketkrókur Ketkrókur, sá tólfti, kunni á ýmsu lag. - Hann þrammaði í sveitina á Þorláksmessudag. Hann krækti sér í tutlu, þegar kostur var á. En stundum reyndist stuttur stauturinn hans þá. Jóhannes úr Kötlum Jólin eru á morgun!! Elísabet og Nonni posted by Nonni & Beta 09:03

miðvikudagur, desember 22, 2004 Gáttaþefur Ellefti var Gáttaþefur, - aldrei fékk sá kvef, og hafði þó svo hlálegt og heljarstórt nef. Hann ilm af laufabrauði upp á heiðar fann, og léttur, eins og reykur, á lyktina rann. Jóhannes úr Kötlum 2 dagar til jóla... Elísabet og Nonni posted by Nonni & Beta 17:49

þriðjudagur, desember 21, 2004 Gluggagægir Tíundi var Gluggagægir, grályndur mann, sem laumaðist á skjáinn og leit inn um hann. Ef eitthvað var þar inni álitlegt að sjá, hann oftast nær seinna í það reyndi að ná. Jóhannes úr Kötlum Allt fínt að frétta héðan frá Íslandi, fórum í klippingu í gær og rúnt um Reykjavíkina það var nú aldeilis gaman. Það er ekki búið að setja upp plan fyrir daginn en það verður örugglega gert eitthvað skemmtilegt... þangað til næst... Elísabet og Nonni posted by Nonni & Beta 17:47

mánudagur, desember 20, 2004 Bjúgnakrækir Níundi var Bjúgnakrækir, brögðóttur og snar. Hann hentist upp í rjáfrin og hnuplaði þar. Á eldhúsbita sat hann í sóti og reyk og át þar hangið bjúga, sem engan sveik. Jóhannes úr Kötlum Kveðja frá Íslandi... Elísabet og Nonni posted by Nonni & Beta 17:46

sunnudagur, desember 19, 2004 Skyrjarmur Skyrjarmur, sá áttundi, var skelfilegt naut. Hann hlemminn o´n af sánum með hnefanum braut. Svo hámaði hann í sig og yfir matnum gein, unz stóð hann á blístri og stundi og hrein. Jóhannes úr Kötlum ...á leiðinni heim! Elísabet og Nonni posted by Nonni & Beta 08:32

laugardagur, desember 18, 2004 Hurðaskellir Sjöundi var Hurðaskellir, - sá var nokkuð klúr, ef fólkið vildi í rökkrinu fá sér vænan dúr. Hann var ekki sérlega hnugginn yfir því, þó harkalega marraði hjörunum í. Jóhannes úr Kötlum Fórum í próflokapartý í gær, svakastuð. Jólasnjórinn kominn og jólagjafirnar líka. Komum heim á morgun. Tilhlökkun á hæsta stigi. Útskriftarnemar, Til hamingju með daginn Elísabet og Nonni posted by Nonni & Beta 17:43

föstudagur, desember 17, 2004 Askasleikir Sá sjötti, Askasleikir, var alveg dæmalaus. - Hann fram undan rúmunum rak sinn ljóta haus. Þegar fólkið setti askana fyrir kött og hund, hann slunginn var að ná þeim og sleikja á ýmsa lund. Jóhannes úr Kötlum Síðasta prófið í dag og svo jólafrí. Elísabet og Nonni posted by Nonni & Beta 07:51

fimmtudagur, desember 16, 2004 Pottaskefill og frægð! Sá fimmti, Pottaskefill, var skrítið kuldastrá. - Þegar börnin fengu skófir hann barði dyrnar á. Þau ruku upp, til að gá að hvort gestur væri á ferð. Þá flýtti' ann sér að pottinum og fékk sér góðan verð. Jóhannes úr Kötlum Jæja þá eru bara 8 dagar til jóla og einungis 3 dagar í heimkomu. Endilega kíkið svo á frægafólkið í dag! Elísabet og Nonni posted by Nonni & Beta 19:54

miðvikudagur, desember 15, 2004 Þvörusleikir Sá fjórði, Þvörusleikir, var fjarskalega mjór. Og ósköp varð hann glaður, þegar eldabuskan fór. Þá þaut hann eins og elding og þvöruna greip, og hélt með báðum höndum, því hún var stundum sleip. Jóhannes úr Kötlum ...9 dagar til jóla.. Elísabet og Nonni posted by Nonni & Beta 16:33

þriðjudagur, desember 14, 2004 Stúfur Stúfur hét sá þriðji stubburinn sá. Hann krækti sér í pönnu, þegar kostur var á. Hann hljóp með hana í burtu og hirti agnirnar, sem brunnu stundum fastar við barminn hér og þar. Jóhannes úr Kötlum 3 dagar í síðasta próf, 5 dagar í heimkomu og 10 dagar til jóla! Elísabet og Nonni posted by Nonni & Beta 13:24

mánudagur, desember 13, 2004 Giljagaur Giljagaur var annar, með gráa hausinn sinn. - Hann skreið ofan úr gili og skauzt í fjósið inn. Hann faldi sig í básunum og froðunni stal, meðan fjósakonan átti við fjósamanninn tal. Jóhannes úr Kötlum 11 dagar til jóla.. Elísabet og Nonni posted by Nonni & Beta 11:42

sunnudagur, desember 12, 2004 Stekkjastaur Stekkjastaur kom fyrstur, stinnur eins og tré. Hann laumaðist í fjárhúsin og lék á bóndans fé. Hann vildi sjúga ærnar, - þá var þeim ekki um sel, því greyið hafði staurfætur, - það gekk nú ekki vel. Jóhannes úr Kötlum Vika í heimkomu og 12 dagar til jóla!! Elísabet og Nonni posted by Nonni & Beta 15:34

mánudagur, desember 06, 2004 Pínu pása og nóg að gera Já það er ekki alveg það sama uppá teningunum hjá okkur. Nonni er búinn með 3 próf og fer ekki það næsta og síðasta fyrr en þann 17.des og Elísabet þarf að fara í 3 próf til viðbótar. Og því er Elísabet á fullu að lesa og læra á meðan Nonni leikur sér á netinu og gerir bara eitthvað skemmtilegt á daginn svona eins og að liggja uppí sófa, undir teppi og horfir á Oprah (Óprú), Dr.Phil og fleiri svoleiðis þætti. Bara nokkririr dagarar í heimkomumu. Ahhh!!! Veit ekki hvað á að segja meira. Bæbb Nonni og Elísabet posted by Nonni & Beta 20:16